బియ్యం సగం ఉడికినప్పుడు తీసిన నీళ్ళకే చిట్టుడుకు నీళ్ళు అని పేరు. ఇప్పుడయితే అందరూ కుక్కర్లు వాడుతున్నాం కానీ ఇదివరలో అందరూ అన్నం కుంపట్లు, పొయ్యిలపై ఇత్తడి గిన్నెలు, కంచు గిన్నెలలో వండేవారు. అలా వండినప్పుడు బియ్యం ఉడుకుతూ ఉన్నప్పుడు ఆ నీటిని తీసి దానిలో నిమ్మరసం, ఉప్పు కలిపి సేవిస్తే ఎంతో రుచికరంగాను, ఆరోగ్యం కరంగాను ఉంటాయి. ఇలా తీసిన నీటినే చిట్టుడుకునీరు అంటారు.
చిట్టుడుకు నీరు ఉపయోగాలు
- ఈ చిట్టుడుకు నీరు తేలికగా జీర్ణమవుతాయి.
- ప్రయాణాలు చేసేవారు మార్గాయాసం తీర్చుకోవాలంటే ఈ చిట్టుడుకు నీరు దివ్య ఔషధం. బడలిక తీరుతుంది.
- జ్వరాలు తదితర జబ్బుల సమయంలో వచ్చే బలహీనతను పోగొట్టాలంటే చిట్టుడుకు నీరు సేవిస్తే చాలా మంచిది.
- శోష, దప్పి తగ్గించడానికి ఇది హితకారిగా ఉంటుంది.
- ఇది శరీరానికి వేడి చేయకుండా, మరీ చలువచేయకుండా సరైన ధాతువుగా పనిచేస్తుంది.
- శరీరానికి తృప్తిని కలిగించి మూత్రమును ఫ్రీగా జారీ అయ్యేలా చేస్తుంది.
- ముఖ్యంగా వేసవిలో ఇది చాలా మంచి ఆహారం. వేసవి తాపాన్ని తగ్గించి, వడదెబ్బను పోగొట్టాలంటే ఈ చిట్టుడుకు నీళ్ళు సేవించాల్సిందే.
