సంస్కృతములో నాడికము అని పిలువబడే పేరింట చెట్టును ఇంగ్లీషులో Corohorus Capsularis, Trilocularis అని పిలుస్తారు. ఇది భారతదేశంలోని అన్ని ప్రాంతాలలోను, శ్రీలంక ప్రాంతంలోను కనిపిస్తుంది. తూర్పు బంగ్లాదేశ్ ప్రాంతంలో కూడా ఉంటుంది.
ఈ పేరింట చెట్టు ఆకులు, గింజలు ఔషధాలుగా ఉపయోగిస్తారు.
పేరింటచెట్టు గుణములు
- పేరింట ఆకుల కషాయము అగ్నిమాంద్యమును పోగొడుతుంది.
- జ్వరములు వచ్చినప్పుడు కషాయముగా కూడా వినియోగిస్తారు. మూత్రకృచ్ఛ్రము, సెగరోగము కూడా పోగొడుతుంది.
- చిన్నపిల్లలకు సంభవించే క్రిమివ్యాధులు, జలుబు పోగొడుతుంది.
- ఆకుల రసముతో కలరా వ్యాధితో ఆకలి మందగించిన వారికి ఆకలి పుట్టిస్తుంది.
- బలము, పుష్టి కలిగిస్తుంది.
- ఎండుటాకులను వలితము అని పిలుస్తారు. గ్రహణి రోగము తీవ్రముగా ఉన్నప్పుడు పేరింట ఎండుటాకుల చూర్ణము, పసుపు సమపాళ్ళలో కలిపి రోజూ అరచెంచా వంతున క్రమంగా సేవిస్తూ ఉంటే క్రమంగా తగ్గుముఖం పడుతుందని వస్తుగుణప్రకాశిక గ్రంథంలో పేర్కొనబడింది.
- పేరింట ఆకులు, ధనియాలు, సోంపు సమానంగా కలిపి కషాయం కాచి ఇచ్చినట్లయితే శూలలు (అల్సర్ వ్యాధి) అదుపులోకి వస్తుంది.
- పేరింట గింజల పొడిని అరచెంచా వంతున వాడినట్లయితే జ్వరములు తగ్గుతాయి.
- శిరోరోగములు, కుష్ఠు తగ్గించడంలో ఉపకరిస్తుంది.
- నాలుకకు రుచి పుట్టించే గుణం ఈ పేరింటలో ఉంది.
- పేరింట పిత్తమును తగ్గిస్తుంది.
