పెద్ద వృక్ష జాతికి చెందిన ఎర్రమునగచెట్టు శాస్త్రీయనామం Red Horseradish Tree. ఈ చెట్టు ఆకులు కూడా మునగ ఆకులవలె ఉంటాయి. అయితే ఆకులు చెట్టునిండా దట్టంగాను, విస్తారంగాను ఉంటాయి. పువ్వులు కూడా ఎక్కువగానే పూస్తాయి. పూవులలోని కేసరములు మాత్రమే సువాసన కలిగి ఉంటాయి. దీనిని పశువులు, ఇతర మృగములు తినవు.
గుణములు
- తీపి, కారము కలిసిన రుచిగా ఉంటాయి.
- తీక్షగుణము కలిగి ఉంటుంది.
- మిక్కిలి వేడిస్తుంది.
- విపాకమున కారపు రుచిగా మారుతుంది.
- మిక్కలి వీర్యవంతమైన మహా ఔషధము.
- రసాయన వస్తువు. ఉబ్బులు, కడుపుబ్బరములు, వాతరోగములు, పిత్త, శ్లేష్మములను గూడా తగ్గిస్తుంది.
- పక్వమునకు రాని సెగ్గడ్డలకు ఈ కూరను వండుకుని తిన్నా, కషాయంగా తాగినా, పైన వేసి కట్టుకట్టినా కురుపులు హరిస్తాయి.
- ఆకు కూరను వండుకుని తింటే జఠరదీప్తి కలిగిస్తుంది. విరేచనము చేస్తుంది.
- గింజలు విషమును హరిస్తాయి.
- మిగిలిన గుణములు సాధారణ మునగతో సమానంగానే ఉంటాయి.
