తేజపత్ర, లవంగపత్రి అని కూడా దీనికి పేరు. లత జాతిలోనిది. లవంగపు తీగ యొక్క ఆకులనే ఆకుపత్రి అంటారు. ఇది మూడు అంగుళముల వెడల్పు కలిగి 8 అంగుళముల పొడవుగ ఉంటుంది. ఆకు మంచి సువాసన కలిగిఉంటుంది.
ఆకుపత్రి గుణములు
- ఆకుపత్రి తీపి, చిరుచేదు కలగలిసిన రుచితో ఉంటుంది.
- వేడి చేసే స్వభావము ఉంటుంది.
- విపాకమున కారపు రుచిగా మారుతుంది.
- వాత శ్లేష్మములను తగ్గిస్తుంది.
- వాంతి, అరుచి పోగొడుతుంది.
- పొత్తికడుపులోని దోషములను తగ్గిస్తుంది.
- దురదలు పోగొడుతుంది.
- మూలశంకలు నశింపచేస్తుంది.
- త్రిదోషములను హరిస్తుంది.
- గుడెదడలు అరికడుతుంది.
ఆకుపత్రి ఔషధములు
- ఆకుపత్రి చూర్ణము, వస చూర్ణము సమానముగా కలిపి సస్యమును చేస్తే పార్శ్వ శూలలు పోతాయి.
- ఆకుపత్రి, దాల్చినచెక్క, ఏలకులు, నాగ కేసరములు ఒక్కొక్క భాగము వంతున కలిపి మెత్తగా చూర్ణము చేసి తేనెతో సేవించినట్లయితే సమస్త పైత్యములు, శ్లేష్మములు ఆమ వికారములు కడతాయి. దీనినే చాతుర్జాతక చూర్ణము అంటారు. మంచి బలకరమైనది.
- ఆకుపత్రి కషాయము తాగినట్లయితే వ్రణములు హరిస్తాయి.
