హిందువుల ఆరాధ్యదైవంగా భాసిల్లుతున్న తులసి ఆయుర్వేదపరంగా దివ్య ఔషధం వంటిది. యుజినాల్, కారియోఫిల్లీస్, మిథైల్‌యుజినాల్ అనే రసాయనాలు కలిగి ఉన్న ఈ తులసి మొక్కను సురషాదిఫంతి, తులస్వాది తైలం, మనసామిత్ర వాటకం వంటి ఆయుర్వేద ఔషధాలకు ప్రధానంగా వాడతారు.
ఆయుర్వేదంలో...
- తులసి వేరు కషాయాన్ని మలేరియా జ్వరం నివారణకు ఉపయోగిస్తారు.
- ఆకులతో తీసిన రసంలో కొద్దిగా అల్లం రసం కూడా కలిపి సేవిస్తే కఫం కరిగిపోతుంది.
- తులసి ఆకుల రసం చర్మవ్యాధులు, దురదలు, తామర వంటి వ్యాధులకు మంచి మందు.
- సెగ్గడ్డలు కూడా ఈ తులసి ఆకుల రసం లోనికి పుచ్చుకున్నట్లయితే తగ్గుతాయి.
- ఇసినోఫీలియాకు కూడా ఈ తులసి రసం మంచి ఔషధకారి.
- తేనెతో కలిపి తులసి రసాన్ని స్వీకరిస్తే అన్ని రకాల జ్వరాలకు పనిచేస్తుంది.
- తేనె, తులసి రసం కలిపి తీసుకుంటూ ఉంటే దగ్గు ఉపశమిస్తుంది.
అసిమం సాంక్టమ‌లిన్నేయస్ అనే శాస్త్రీయనామం కలిగిన తులసి మొక్క సాధారణంగా కొన్ని గృహాల్లో చిన్న చిన్న వ్యాధులకు ఔషధంగా వాడుతూనే ఉన్నారు.
