చలువ కలిగించే వన దమనము(అడవి దమనము)

అడవి దమనమును సంస్కృతంలో వన దమనక అని పిలుస్తారు. దీనిలో  అడవి దమనము, అగ్ని దమనము అని రెండు రకములు ఉంటాయి. ఈ రెండూ అడవులలో పెరుగుతాయి. అడవిదమనము గుజ్జుగల మొక్క జాతిలోనిది. ఆకు కోలగా ఉంటుంది. ఆకారము ఊగుడు చెట్టు ఆకు వలే ఉంటుంది. గరుకుగా ఉంటుంది. ముదురు పచ్చ రంగులో ఉంటుంది.

అడవి దమనము గుణములు

వగరు, చేదు కలిసిన రుచి కలిగి ఉండును. చలువచేసే స్వభావము కలది. విపాకమున కారపురుచి కలిగి ఉంటుంది. మూడు దోషములను హరిస్తుంది. జంతు విషమును, కృత్రిమ విషములను గూడ హరించును. రక్తము వలన కలుగు వికారములను, దురదలు, కుష్ఠు రోగములను హరించును. వీర్యమును బంధించి సంభోగశక్తిని కలిగించును.

అగ్నిదమనము వేడిచేయును. వాత కఫములను, గుల్మములను పోగొట్టును. హృదయమునకు మంచి బలమును ప్రసాదించును.